PUISI HEUREUY SUNDA

PUISI HEUREUY SUNDA

CAANG BULAN

nyawang bulan di mumunggang caang bulan opat belas………..
langit bengras taya tedeng aling-aling
…
alam lir ibarat keur suka bungah
bulan moncorong mani buleud
bentang-bentang mapaes endahna langit
endah pisan matak waas ninggalna
naha poe ieu mah langit teh caang
padahal biasana hujan wae tiap poe
kunaon atuh nya….?????
singhoreng di sarang ku mang rasman
sabab poe ieu aya nu hajat.

Saha  Nu Lepat

Saha Nu lepat…………….
manah raheut taya lekasan
sanes hirup mah milari kabagjaan
saha nu lepat……………..
peuting jadi sepi jempling
sanes raos pami aya nu maturan
saha nu lepat…………….
ngalengkah jadi asa ngalayang teu napak
boa-boa aing geus jadi kuntilanak

Pasti Moal..!!

lamun anjeun ninggali kuring duaan
rerendengan sareng wanoja nu langkung geulis
anjeun ngacay moal………pasti moal
lamun anjeun ninggali kuring naek mobil BMW seri anyar
bari duit triliunan dina tas abdi
anjeun ngacay moal……..pasti moal
lamun imah kuring jiga istana kpresidenan di bogor
bari selir gaduh sapuluh gareulis kacida
anjeun ngacay moal…..pasti moal
sabab kuring geus apal kana sifat anjeun
Anjeunmah ngacayna lamun pas sare wungkul

Asa Kacida..!!

teu karasa…….waktu teh
ari ku kasiksa mah
anjeun teu ngarasakeun
pasiksana ieu awak
geus ampir saminggu…..
urang duaan sare teh patonggong-tonggong
omat……cukup saminggu ayeuna wungkul
ulah diteruskeun…ieu raga teu walakaya
naha atuh ngajak sare teh bet patonggong tonggong wae
anjeun hayang nonggongan dipan
nitah kuring nonggongan lalangit


 Caang Bulan

nyawang bulan di mumunggang
caang bulan opat belas………..
langit bengras taya tedeng aling-aling
alam lir ibarat keur suka bungah
bulan moncorong mani buleud
bentang-bentang mapaes endahna langit
endah pisan matak waas ninggalna
naha poe ieu mah langit teh caang
padahal biasana hujan wae tiap poe
kunaon atuh nya….?????
singhoreng di sarang ku mang rasman
sabab poe ieu aya nu hajat.

Lanjutkan....!!

Wilujeng wengi

 Wilujeng wengi

nganti wanci nu mustari,

balebat asa tos caang katinggalna mah

poek mongklengna peuting

baris kaganti ku srangenge panon poe….

mudah-mudahan langit teu angkeub deui…….

mega hideung pasti nyingray ku kakawasaanNa.

Gusti abdi masrahkeun ti luhur sausap rambut

ti handap sausap dampal.

raga…nyawa…Anjeun nu kagungan,

wilujeng wengi jungjunan.

 

Pegat

kacai jadi saleuwi kadarat jadi salogak,

eta teh ngan saukur paribasa gening.

asa taya dangiang hirup,

rumpu rampa kana patincakan

asa moal nyorang bagja,

tapi da kabagjaan mah di papaes ku hate nu jembar,

sanes ku hate nu pinuh ku rasa cangcaya.

lamun rek miang gera bral ngalalakon,

tapi ulah nepi ka ngaganggayong samodel kieu.

 

Naha

asa waas…asa reuwas…

mun ras kabayang deui mangsa katukang,

duka saha nu lepat…

mung nu ecesna mah,

sagala anu kasorang teh teu aya anu ngan ukur teu dihaja.

panginten tos titis tuis ti murbeng ieu alam.

tapi naha ieu kitu pungkasna carita

Anjeun Miang sa acan cita-cita laksana

Lanjutkan....!!

Puisi Sunda

Kungsi..

Malati nu kungsi ngancik na ati
kiwari ngan kari waasna
sanajan hiliwirna angin
mawa seungit nu kungsi ngait

malati kari waasna.....!!!!
 ============================ ^_^ ==========================
 Peuting Ieu....

peuting ieu,
anjeun ngajanggelek na poekna hate
meupeus keuyang rasa nu mancawura
paguliwota na heureutna dada

ambek nyedek tanaga midek
napsu ngagulidag taya liang moncor
antukna ngaguruh nutupan mamaras
tuluy ngilang tanpa laratan
nyesakeun diri nu nyileuk taya karep

tug nepi anjeun nyaangan
mapaesan jemplingna peuting
maturan bari ngelingan
ngajak balik ka na pitrahna

muga pareng isuk jaganing geto....!!!

 ______________________________ \\oo// _____________________________

Hirup

Hirup teh cita-cita
ngudag-ngudag mangsa jeung rasa
Hirup teh tunggara
upama tresna kalid sulaya
Hirup teh seuneu
nu ngaduruk lulurung sukma
Hirup teh ibadah
rela ihlas ngumawula

Hirup teh aci-acining:
Bagja...!!!

========================== //oo\\ ===========================

Ayeuna

Jeujeur harupat tuluy ngipisan
indung suku tuturut peot
awak jadi budak
waragad teu walakaya

geuning teu di kawit teu di pungkas
kokojayan dina lantaran
sebrot hareudang hiliwir angin
ngalengkah numut sarangenge

los kaditu los kadieu
ngarenghap tuluy hah heh hoh
mmm, ngajerit diudag seuri
Nya ayeuna mah ayeuna...!!!

.......................................................... ^^_^^ ............................................................

 bulan ngalimba

sanajan bulan tumunggal
caangna mah bati nu hegar
bangun nu teu ngemu tunggara

sanajan bulan nyorangan
teu risi ngambah sagara peuting
nganti bentang nu baris marengan
nganteur nyorang simpena peuting
nepi ka balebat nyampeur
nyinglarkeun kahieum ati...

--------------------------------------- &&/\&& --------------------------------------

 pileuleuyan

duh rasa..
gulidag nu rosa teu kasubadanan ku diri nu laip

hampura mun anjeun kageurih
ku pucuk harepan nu teu surti
ku diri nu teu daek ngarti
ku rasa nu sumarambah
malidkeun jatining diri .......

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ ^o^_^o^ /////////////////////////////////////////////////////////

 ibun harepan

kamari rundayan katineung rek dipalerkeun
bongan mawa eurih
nu ngageuri kana ati
ngabudalkeun kingkin
jeung rambisakna rasa

tadi,
ku naon salira ngaririhan deui
mawa ibun sanajan sakeclak
nu nyirungan deui katineung
nu ngahaja rek disinglar

duh gamparan,
guligahna rasa
hamo bisa disidem deui..!!

"""""""""""""""""""""""""""""""""""""""""""" ^o^_^o^ """""""""""""""""""""""""""""""""""""""""""""""""
 

Wilujeng Wengi

nganti wanci nu mustari,

balebat asa tos caang katinggalna mah

poek mongklengna peuting

baris kaganti ku srangenge panon poe….

mudah-mudahan langit teu angkeub deui…….

mega hideung pasti nyingray ku kakawasaanNa.

Gusti abdi masrahkeun ti luhur sausap rambut

ti handap sausap dampal.

raga…nyawa…Anjeun nu kagungan,

wilujeng wengi jungjunan.

...................................................... %\/% ................................................

Sumangga nyanggakeun !! bilih bade aya anu nambihan ...!!!

Lanjutkan....!!